سلامتك من مرض السكر

بمناسبة اليوم العالمي للسكر، سلامتك هاتقولك ايه أعراض مرض السكر و أسبابة و ازاي نتجنبه بالإضافة لطريقة علاجه.
ما هي أعراض مرض السكر؟
في الغالب مش بتظهر أعراض مرض السكر في البداية و لكن في المراحل المتقدمة بيعاني مصاب السكر من العطش الشديد و التبول المتكرر و الإرهاق و فقدان الوزن غير المبرر و الضعف و تنميل اليدين و القدمين و إلتئام الجروح البطئ بالإضافة لضبابية الرؤية.
ما هو مرض السكر و ما هي انواعه؟
مرض السكر هو إرتفاع مستوي السكر في الدم بشكل غير طبيعي بسبب كسل أو تعطل البنكرياس عن العمل و اللي بدوره بيأثر علي القلب و الكلي و الأعصاب و العيون.
السكر نوعين و هما:
1- النوع الأول: النوع الأول بيحصل لما الجهاز المناعي بيهاجم خلايا البنكرياس المنتج للأنسولين و ده بيسبب نقص إنتاج الأنسولين و بالتالي بيسبب إرتفاع مستوي السكر في الدم و ده أكثر انتشارا في الأطفال.
2- النوع الثاني: هو مقاومة الجسم للأنسولين مع عدم كفاية الإنسولين المنتج طبيعيا للجسم و بيكون اكثر انتشارا في بداية من سن 45 سنة.
إيه هي الأسباب التي تؤدي إلي الإصابة بمرض السكر؟
في الحقيقة هناك عدة أسباب للإصابة بمرض السكر منها السمنة و قلة النشاط البدني و التاريخ العائلي و التقدم في العمر.
طب إزاي نتجنب الإصابة بمرض السكر؟
فيه مجموعة نصائح لتجنب الإصابة بمرض السكر منها المحافظة علي وزن صحي و ممارسة الرياضة بإنتظام المحافظة علي نظام غذائي صحي و السيطرة علي ضغط الدم و الكوليسترول و الإقلاع عن الدتدخين.
هل فيه علاج لمرض السكر؟
في الحقيقة مفيش علاج نهائي لمرض السكر لكن مريض السكر بيحتاج يوظب علي الادوية إن كانت حبوب أو إنسولين.
سلامتك بتقولك خلي بالك من السكر لأن مضاعفات السكر بتؤدي إلي أمراض القلب و الكلي و الأعصاب و العيون.