ازاي تحافظ علي صحة القلب؟

ازاي تحافظ علي صحة القلب؟
القلب أهم عضلة في جسم الانسان و بيحتاج بعض الاجراءات للمحافظة علي صحتة .
سلامتك هاتقولك علي بعض النصائح لصحة قلب افضل:
1- الرياضة هي كلمة السر لصحة القلب و أهم رياضات للقلب المشي و ركوب الدراجات و ده لان بتقوي عضلة السمانة اللي بتساعد القلب بإنها بتضخ الدم من الجزء السفلي من الجسم للقلب تاني و ده بيوفر المجهود اللي بيبزله القلب عشان يحقق دوره بالكامل في ضخ الدم.
2- المحافظة علي وزن صحي لأن السمنة و الوزن الزائد بيمثلوا عبء زائد علي القلب. غير كمان ان السمنة بتسبب أمراض تانية بتصيب القلب بالإضافة إلي الوزن زي ارتفاع نسبة الدهون الضارة في الدم.
3- تجنب التدخين لأن التدخين هو السبب الأول لأمراض القلب و الشرايين ده غير أمراض الرئة اللي بيسببها.
4- نظام غذائي صحي هو المفتاح للمحافظة علي صحة القلب و الجسم كله، لازم وجبتنا تكون صحية باحتوائها علي عناصر غذائية كاملة زي الالياف و البروتينات و الدهون الصحية زي الاوميجا 3.
5- الحفاظ علي ضغط دم في المعدل الطبيعي لان ارتفاع ضغط الدم بيمثل عبء زيادة علي عضلة القلب و استمرار ارتفاع ضغط الدم بيؤدي الي تضخم عضلة القلب.