حقيقة اللبن الصناعي

حقيقة اللبن الصناعي
من أسباب أهمية اللبن الصناعي للرضع :
- سهولة الاستخدام لأن تحضير وجبة اللبن الصناعي بتبقي سريعة و سهلة.
- الراحة و المرونة لإن استخدام اللبن الصناعي بيوفر قدر من الراحة و المرونة في توفير الوجبات للرضيع.
بالرغم من اهمية اللبن الصناعي في بعض الحالات بس مانقدرش نعتمد عليه في المطلق 
طب ليه ماينفعش نعتمد عليه في المطلق؟
لانه بيحتوي علي بعض العناصر الغذائية بتركيزات مختلفة و اللي بيؤدي الي نقص في بعض 
العناصر المهمة مقارنة بلبن الأم و ده ممكن يسبب مشاكل في النمو عند الرضيع.
- مشاكل النضافة اثناء تحضير الوجبة: و ده هيؤدي إلي إصابة الرضيع بالاسهال لان تحضير الوجبة في الزجاجة بيحتاج نضافة شديدة و إجرائات احترازية قوية لتفادى المشكلة دي.
- اخطار الاصابة بالحساسية: ممكن يكون عند الاطفال حساسية من بعض مكونات اللبن زي اللاكتوز و البروتينات المستخدمة في تصنيع اللبن.
فيه مجموعة من الابحاث الجديدة بتشير إلي أن الاعتماد علي اللبن الصناعي بيضعف الجهاز المناعي للرضيع.
و عشان كده سلامتك بتنصح بالإعتماد علي الرضاعة الطبيعية قدر المستطاع و عدم الاعتماد علي اللبن الصناعي الا في اضيق الحدود بعد استشارة طبيب الاطفال.